熱到溶～～

　　今朝天氣極度悶熱，氣溫最高可達攝氏 32 度，而且 1 號颱風信號依舊懸掛。

　　正因為咁嘅天氣，今日本來已經苦行咗一半路程，但始終都係休息得唔係好夠，所以最後都係走咗去搭巴士，不過唔係過海，只係去尖沙咀碼頭啫！

　　落船之後，沿著條橋行緊返嚟之際，見啲人全部都走向橋嘅右邊，而左邊就一個人都無！無他嘅，咪因為太曬嘅關係囉！

　　但係講真，我就寧願俾太陽晒好過俾雨淋喇！你呢？