勁頭痛．．．

　　尋晚好早就瞓，諗住今朝繼續苦行．．．

　　今朝個鬧鐘好有責任咁喺 5:55 就響，好辛苦咁按停咗佢之後，本來想話起身，但係個頭就「發吓發吓」咁，勁痛．．．

　　突然，我落咗一個好沉重嘅決定，就係要瞓多一個鐘，睇吓有無好轉。

　　如是者，嗰一個鐘原來真係好有幫助。 7:00 起身，個頭唔單止無痛，而且仲好似精神奕奕添．．．

　　不過，呢啲只係一時間嘅「錯覺」！

　　頭痛無錯係好咗好多．．．咁就證明呢個係休息唔夠嘅主因喇！鬼咩，連續兩個星期六都要返工，仲要鬼咁早，返到去之後又勁多嘢做．．．

　　至於「精神奕奕」．．．呢個就真係一個絕對嘅錯覺！而家返到公司已經成幾個鐘，我都仲係「烏吓烏吓」咁．．．