練習

　　今朝雖然繼續苦行，但係就晏左起身，為咗想慳番啲時間，所以今日所選擇嘅路程同尋日一模一樣，只係巴士唔同咗（尋日搭 9 號，今日就啱啱有 7 號，平多幾毫子，嘻嘻）。

　　不過尋日就玩計時，計咗路程既開頭（即係由屋企至油麻地彌敦道），今朝就想唔同少少，所以決定係計搭完天星小輪之後，由中環７號碼頭落船嘅一刻開始，至公司之間既路程！

　　呢條路無乜特別，尤其當嗰條接駁天橋起好咗之後，由碼頭行到去太子大廈、再接過去渣打銀行為止，簡直就係一氣呵成，平坦至極，作為競步行路嘅練習路線，可謂適合不過；但係，一陣我唯一擔心嘅係，唔知路途中會唔會好多人呢？

　　喺呢一刻，我正正坐緊船過緊海，用緊部 iPhone 寫緊呢一篇 blog ；我而家都係要打點一切，準備開始我一陣嘅練習！

《後記：是次練習結果為 00:12:49.09 》