苦行日記．重新啟動

　　經過數月嘅養尊處休，又攰、又唔夠瞓咁，而且又病咗成個幾月；另外，又喺尋日「借啲意」買咗對新跑鞋之後，今朝「的」起心肝走去「苦行」；雖然未行哂全程，只係由屋企起步，到油麻地港鐵站於彌敦道對面嘅巴士站為止（即係盤谷銀行對出），但係喺我計住時間底下咁行，只需九分半鐘就到達；我估計，只要我練習到可以均速咁行一公里，下星期嘅競步比賽應該唔難應付，最起碼嘅係，我仍然有信心走足全程，完成比賽先吖！

　　點解唔繼續行落去？我都諗過咁做，但係如果而家一開始就「谷」哂出嚟，一陣傷咗點算？諗深一層，都係逐少逐少咁增加好啲！

　　而家距離個比賽只有唔夠一個星期，希望我嘅策略成功啦！