大慨七點多就出咗門口。見有少少雨，都係決定搭車，但係又早咗出門口，所以就去咗搭 7 號巴士喇！
就喺過緊馬路之際，遠距離已經見有架車埋咗站。本來想話衝過去趕車，但係諗深一層：橫掂我仲有時間，都唔駛趕啦！於是我就施施然咁過埋條馬路喇！
不過奇怪嘅事發生咗喇！我越嚟越行得近個站，但係架車都仲未開喎！唔通佢咁好人，特登等埋我？
呢個時候，另外有位人兄，可能佢怕遲到啦，佢用咗 9 秒 9 嘅速度，向住架巴士衝埋去；正正喺呢個時候，我再望真啲，就有以下嘅情境：
當然，嗰位人兄埋到去，見無咗個司機，都發現架車壞咗啦！
雖然呢件明顯係一單突發嘅意外，不過又估唔到咁應節，真係差啲俾佢呃到添！
沒有留言:
張貼留言