苦行日記

主要係記低朝早行路返工o既事。
路程：何文田太平道＞窩打老道＞油麻地彌敦道＞佐敦＞尖沙咀九龍公園或海防道＞廣東道＞尖沙咀碼頭＞坐船到中環（七號）天星碼頭（用HK$2.2或HK$1.7）＞最後向美利大廈進發
想鍛鍊之餘，又記下所見所聞～～～最重要係，想睇下自己頂到幾耐！！

苦行（營業）時間
星期一至星期五（每日更新）
星期六、日及公眾假期休息
（不便之處　敬希原諒）

2008年3月19日星期三

再睇醫生

　　尋晚見病情無乜好轉，所以再三去睇醫生。今次唔同嘅，係我叫醫生再重手啲，就算啲藥幾咁眼瞓都無所謂。

　　今朝食完苦媽媽嘅愛心早餐之後，就食藥飲藥水，跟住照例走去搭巴士。不過今次搭巴士就厲害囉！我一坐低就開始瞓，直頭就係進入昏迷狀態．．．

　　不過好好彩，今日好似平時咁，無過到站，不過今次就險咗少少喇！