無覺好瞓

　　今日依舊係無行，走咗去搭車！

　　不過，我尋晚就真係無覺好瞓啦！成晚喺度咳！由兩點開始，差唔多一個鐘頭醒一次．．．所以，今朝喺巴士度又一次昏迷足全程！

　　但係，我點辛苦都唔及苦媽媽，佢半夜三點幾，失驚無神起身走去煲咗一碗薑湯俾我飲，仲話聽到我咳得咁辛苦，唔抵得咁話．．．

　　唉！我已經喊咗一轉o架啦（可以睇吓我個外傳有寫點解）！唔通苦媽媽真係要整喊多我一次？？好彩我當時超眼瞓，未及俾到反應；不過而家諗返起，個心都真係甜到落淚！