病假後第二日

　　依舊係咁咳，雖然緩和咗唔少，但係狀態仍未見好轉！

　　今朝亦係「阿媽愛心早餐」，食完之後就食藥．．．不過今日好似個人狀態比尋日差，感覺目光呆滯、四肢無力，可能因為啲藥啩！！？？

　　仍然係去搭巴士，一上車安頓好之後，就全程昏迷．．．其間發生過乜嘢事，架巴士上過乜嘢人，我係一概唔知．．．好彩喺我差唔多到站之前，我突然醒過嚟，唔係可能要搭的士返轉頭喇！