病倒了，但仍要力撐．．．

　　又再一次要到夜晚先至嚟寫 blog 啦！無辦法，實在太多嘢做啦！

　　其實我尋日已經開始作病o架啦！不過今朝喺公司預咗有單嘢要 complete ，如果唔係，我諗我到唔會話要「力撐」咁大鑊嘅！

　　不過講返我今朝，確實真係「四肢無力」，莫講話「苦行」，就算係我今朝去等巴士嘅時候，我連企都其實有少少力不從心、四面搖晃，單純係靠「意志力」先至不至於暈低！

　　捱到放工，本來仲想話去黃金買電腦嘢，但係終於不敵，要去睇醫生；而家食完飯兼食咗藥先好少少咁啦！

　　聽朝要睇睇情況先知返唔返到工喇！