攰．．．

　　．．．攰．．．

　　尋晚開 OT ，成九點幾先至走，返到屋企，難為咗屋企人，因為佢哋點都要等埋我一齊食飯．．．所以，應該話尋晚無食晚飯，淨係食咗宵夜。

　　今朝出奇地六點鬆啲鐘就醒咗。坐咗起身，嘩．．．個身攰到唔識點講；過咗一陣，都係無辦法，唯有瞓多一陣．．．

　　未到七點，終於起身，不過超慢動作；如果平時，一定快手快腳就出咗門口，但係今日就唔同，直頭唔鬼理佢會唔會遲到添！

　　正因為攰，所以今日都唔會行，就去咗搭 113 ；落車時，望吓個鐘，先至 8:15 。再施施然去食個早餐，返到公司， 8:45 ，不過仲未齊人，唉．．．