苦行日記

主要係記低朝早行路返工o既事。
路程：何文田太平道＞窩打老道＞油麻地彌敦道＞佐敦＞尖沙咀九龍公園或海防道＞廣東道＞尖沙咀碼頭＞坐船到中環（七號）天星碼頭（用HK$2.2或HK$1.7）＞最後向美利大廈進發
想鍛鍊之餘，又記下所見所聞～～～最重要係，想睇下自己頂到幾耐！！

苦行（營業）時間
星期一至星期五（每日更新）
星期六、日及公眾假期休息
（不便之處　敬希原諒）

2008年2月19日星期二

又一隻新遊輪

　　今日經過尖沙咀碼頭，又有一隻未見過嘅船，所以影咗落嚟：

　　不過，呢隻遊輪唔算得好大，但係就好長！我用 iPhone 影嘅時候，就要影３張先至影得哂佢嘅全貌！

　　適逢其會，我今日借咗哥哥部相機嚟用，而佢係有個廣角嘅 28mm ，所以即刻攞嚟一試．．．哈，真吹脹，今勻廣角都唔夠，都要影兩張！

　　本來諗住話返到公司，搵 Photoshop 將上面兩張合埋變一張，不過影嘅時候，我搭緊天星小輪，而且係行緊，所以角度唔係好啱．．．而家將兩張貼哂出嚟，等大家可以想像一下佢嘅長度。