拜年後遺症

　　本來想話搵個星期六去個 friend 屋企拜年，但係適逢嚟緊嗰個週末有婚展，又因為要幫個美國 friend 搵酒店酒席嘅資料，所以揀咗尋晚去。不過，尋晚放工之後先至去，要成八點幾先至到達，搞到人哋鬼咁夜先食晚飯，真真唔好意思！！！

　　就係咁，我同我女友就半夜至走．．．女友就仲放緊假，所以無乜所謂；但係我就慘囉！尋晚（今朝至真！）成點幾至返到屋企，仲要個電話尋晚無啦啦 hang 咗機，所以要搞埋至瞓得．．．

　　四點幾瞓，六點鬧鐘響，不過我就無醒到．．．直至六點四，終於俾個鬧鐘嘈醒，不過就好順手按咗個暫停制。未到七點，終於正正式式起身，比起平時瞓多咗一個鐘。