落雨天．．．

　　今日一早起身，覺得凍到好似雪條咁～～～望一望落街．．．噢！落緊雨添～～～

　　無奈咁瞓返落床，最後同周公捉多兩盤棋之後，再起身望落街，見啲雨勢無改變過，索性今日再停一次苦行。

　　行到落街．．．嘩！好鬼死凍呀！行快兩步去搭車，期間正考慮緊究竟搭 7 號定係 103 ．．．如果 7 號，就仍然可以搭船，再行一段路返去；至於 103 ，如果落得大雨，可以早一個站喺美利道落車，淋兩秒雨就一路有瓦遮頭．．．因為有兩手準備，所以最後揀咗 103 ！

　　到落車時候，好彩無乜點落雨，於是就可以喺香港公園度落車，再行過對面就到咗美利大廈喇！返到上樓大概八點半，哈！竟然無人返到嚟，又係我最早喇！