苦行日記

主要係記低朝早行路返工o既事。
路程：何文田太平道＞窩打老道＞油麻地彌敦道＞佐敦＞尖沙咀九龍公園或海防道＞廣東道＞尖沙咀碼頭＞坐船到中環（七號）天星碼頭（用HK$2.2或HK$1.7）＞最後向美利大廈進發
想鍛鍊之餘，又記下所見所聞～～～最重要係，想睇下自己頂到幾耐！！

苦行（營業）時間
星期一至星期五（每日更新）
星期六、日及公眾假期休息
（不便之處　敬希原諒）

2008年1月22日星期二

一齊做早操

　　今朝好攰，無去行到，只係選擇咗搭車到尖沙咀碼頭。其實今日已經係特登晏啲出門口，唔知點解所有嘢都好似配合我一齊晏咁。去到碼頭，望過去海運大廈，出奇地唔見有任何船隻停泊喺度；點知上咗船之後，先見隻雙魚星號返緊嚟。

　　過到中環，行緊條長天橋嘅時候，經過填海區域，見到啲工人如常咁準備開工．．．咦，望真啲，點解佢哋排得咁整齊嘅？？