再一次失策．．．

　　唔覺唔覺又過咗下晝六點，又係放工嘅時候喇！做足一日，而家先叫做有時間嚟寫一寫、記一記！

　　其實，今日都唔係話有啲乜嘢值得寫；最主要嘅原因，係因為我今日又無行到啦！！！

　　尋晚去完街，返到屋企，部 iPhone 無啦啦無晒顯示，按乜制都完全無反應！心諗：唔係咁邪吓話！個 friend 幫我喺美國帶返嚟，今朝先至話走咗，咁就即刻壞？？仲要喺我啱啱為咗佢而買咗個新 router 先至嚟壞？？

　　唉！心急如焚之下，我唯有借阿哥部 laptop ，係度猛試猛試．．．終於，俾我好彩試到開得返！！個心真係怯咗幾怯！！

　　不過，跟住帶嚟嘅後果，今朝就顯現咗出嚟啦！我起身時望一望個鐘～～～ 7:45AM ！！！唉～～～

　　唯有寄望聽日啦！！！！！