失手

　　今朝適逢其會，因應某啲情況發生咗，所以尋日約咗個同事今朝去飲茶。亦因為咁，我今日係無去行嘅！

　　本來我哋約咗 6:30 喺旺角港鐵站等，我亦怕我唔知醒，所以一早較定兩個時間，仲係用一啲好鬼煩人嘅音樂，務求令自己一定醒！

　　點知，世事往往係好出人意表嘅！一於預料，我自己唔知醒．．．但係最搞鬼係，我同事已經兩次打過俾我，不過佢話無人聽～～～我覺得好奇怪，點知 check 返之後，先至發現原來我同事打錯電話俾佢另一個 friend ！！！

　　不過點都好，我都係好唔好意思，唯有將功補過，請我同事飲茶啦！