苦行日記

主要係記低朝早行路返工o既事。
路程：何文田太平道＞窩打老道＞油麻地彌敦道＞佐敦＞尖沙咀九龍公園或海防道＞廣東道＞尖沙咀碼頭＞坐船到中環（七號）天星碼頭（用HK$2.2或HK$1.7）＞最後向美利大廈進發
想鍛鍊之餘，又記下所見所聞～～～最重要係，想睇下自己頂到幾耐！！

苦行（營業）時間
星期一至星期五（每日更新）
星期六、日及公眾假期休息
（不便之處　敬希原諒）

2008年3月27日星期四

「吽痘」

　　尋晚套電視劇「古靈精探」發展得幾出人意表，正當睇到成個人「入」哂去之際，點知片尾曲響起．．．聽日（即係今晚）又約咗人唔返屋企吔飯，咁點算呢？？．．．唔緊要，只要有偉大嘅互聯網存在，我哋就有好多電視劇可以先睹為快喇！

　　可能因為咁，雖然今朝個鬧鐘好準時咁喺大約六點半就開工，不過我都係差不多七點先至起身，而且個人仲係有少少「吽痘」添！而呢個亦係我今朝選擇搭巴士嘅原因！