獨力支撐

　　今朝又遲咗成個鐘先至起身，不過就去咗搭 7 號巴士再轉船。

　　尋日個同事去咗剝智慧齒，所以牙醫寫咗三日假俾佢。

　　於是，喺我等緊巴士嘅時候，我同事就打電話俾我，話俾我知會攞多日假之餘，又講吓我尋日攞美國簽證嘅嘢．．．一路講一路講，我就返到公司咁滯喇！

　　不過，今日就同尋日有少少唔同．．．尋日我就成朝唔喺公司，所以都淨係得晏晝要獨力支撐；但係今日，我就要支撐足一日啦！

　　唉．．．