大除夕０７’

　　今日係２００７年１２月３１號，即係今年嘅最後一日，亦即係大家所認知嘅大除夕。

　　最近都無行好耐，見今日無乜特別要趕返去嘅理由，所以再一次展開我嘅「苦行」。

　　不過今日天氣超凍，天文台仲發出今年嘅第一個寒冷警告～～喺今年嘅最後一日，發出咗今年第一個警告！

　　但係我就一於懶理，仍然大無畏咁响寒冷警告底下向尖沙咀方向行！

　　行到去差唔多佐敦，我「凍」嘅感覺都已經一掃而空！

　　去到尖沙咀碼頭，如常咁攞咗份「都市日報」，跟住就去搭船喇！

　　講真，今日著實無乜 mood 做嘢，所以返到公司，即刻同老闆攞咗下晝 time-off ！

　　今晚一於一齊迎接２００８！