辛勞的一天

　　唔經唔覺，又到咗六點幾啦！．．．咁早？？？唔係朝早六點幾，而係黃昏六點幾喎！！！

　　尋日先過完精神嘅一日，估唔到今日會咁相反！

　　一早 schedule 咗今日有 job 要做，但係總係覺得唔係好「聚財」，成朝都係憂心忡忡，唔知點算咁．．．另一方面，今朝一路行，一路望，都唔覺有乜嘢特別好寫，係唯一見到有個女仔（我估大概十幾歲度啦！），佢一路行，一路玩自己後面條馬尾．．．有乜特別，咪就係佢條馬尾竟然長到過咗個 pat pat ！！

　　本來想話影低佢，但見佢成家人一切，著晒運動衫褲喺到晨運咁，其中個（懷疑）老豆仲好好打咁款，所以咪唔敢影囉！

　　無影到佢哋，咪影吓其他嘢囉！下面嗰啲就係我今日嘅作品！


朝早晨運，唔知會係點嘅呢？

九龍公園有個彩色花圃，雖然唔講得上話好絕色，但係都算係幾靚，尤其朝早一望到，倍感心曠神怡！

　　寫到呢到，都係時候要休息一下喇！要放工喇！聽日再見啦！