請飲茶．．．

　　今朝一路行，都唔覺有啲乜嘢特別嘢值得記低，仲諗住潦潦數句，再擺一啲尋晚影嘅相落嚟，就完成今日個 blog ；一嚟簡單之餘，又可以多啲時間用嚟休息又好、做嘢又好．．．唔講唔知，近排唔知做乜鬼，鬼死咁多嘢做，仲要鬼死咁亂．．．鬼咩，管理層失當，管理不足，指示又唔清唔楚．．．落到嚟我哋呢啲細嘅，咪做到隻積咁囉！

　　講返今朝，唔知大家記唔記得尋日「淳茶舍」响尖沙咀碼頭請飲茶呢？哈哈，正喺我煩惱緊今朝無嘢寫之際，就俾我撞正原來今日輪到中環．．．我見唔駛排隊，咁我作為一個典型嘅香港人，我當然唔執輸啦！以下就係「淳茶舍」請我飲嘅「無糖烏龍茶」喇！



《維港：填海的一角》
　　另外，頭先亦提過我尋晚亦有影相，其實只係想影返填緊海嘅中環。大家一齊「集體回憶」一下！