繼續頭痛．．．

　　今朝大概六點半，我個鬧鐘如常地響，但唔尋常o既係，我竟然完全聽唔到佢「鬧」我o既任何一聲，我估我應該係「習慣性」般，隻手自己去按o左個鬧鐘o既「暫停制」（因為佢會再響）。輾轉反側一番後，我終於「打敗睡魔」，去起身擦牙洗面！


　　就o係企起身o個一刻．．．只係一秒，我忽覺天旋地轉，於是我匆忙坐返o係張床道，先至發覺原來我個頭係痛到好似爆炸咁；之前所謂「打敗睡魔」，查實係剎那間o既「迴光返照」．．．唔怪知得我完全 ignore o左個鬧鐘啦！

　　經過o左大約一分鐘o既考慮，最後，我決定「偷懶一日」，叫做去搵醫生 check 真o的，唔係一陣「大吉利是」有o的乜o野事先至發現，到時就真係「苦行」啦！